方叔叔重慶老火鍋 (聚賢逸居) (已結業)

方叔叔重庆老火锅，坚尼地城店，主打就系重庆味既麻辣火锅，劲多招牌菜都好吸引🤩装修雅致，食麻辣打边炉都好有气氛，座位宽敞舒服👍🏻一坐低就上个糖水俾你暖暖胃，贴心✨九宫格麻辣大红锅，拣左普通辣，九宫格既特别在九格入面有三种火力，中间猛火渌快熟既牛、海鲜咁，十字中火煮，侧边细火慢慢炆🍲好有学问，就用最正既嫩牛肉试下，食过方叔叔都知，嫩牛肉真系麻辣锅绝配😚超嫩滑，中间猛火超快熟，牛味够而厚身口感一流💗长城小白猪午餐肉，因为钟意食腍所以放左系十字格度煮，好入味好正，必食，有火腿而好腍好好味，麻辣锅午餐肉大推介🤩时令海鲜，鲜活海蛏，虽然食麻辣但都几鲜，味道唔错👍🏻鲜龙趸片，肉质好弹好鲜，挂到啲麻辣味又有鱼味，相当唔错😗麻辣火锅梗系要食鸭血，汤底正配口感滑既鸭血就系爽，份量又多🐤鲜腐竹、冬瓜正常，猪腰，特式食法，渌十秒上水，渌下特制辣椒粉调味就食，好特别好惹味🙌🏻辣得济饮返杯洛神花鲜橙特饮，味道清而好refreshing😆夏天为咗凉啲，配多枝Riesling，果味几香浓🍇挑战九宫格麻辣锅，其实食下食下几爽😚食物高质性价比又高，仲要服务超超好🥺态度好又会介绍下食物，介绍下点食重庆风味既麻辣，真系好好人