川吧

营业中

休息中

川吧，位于太子，大大个招牌火红色既川字，就知道系食辣食川菜🚨店内简约几新净，啲櫈几舒服，餐牌以烤鱼、酸菜鱼、水煮鱼同川味小炒为主，好吸引🤩啤酒当然唔少得啦，先配下凉菜，泡椒皮蛋，晶莹剔透嘅水晶皮蛋，泡椒唔系得啲碎，成只剪开，又香又辣，好味😋夫妻肺片，份量好多，切得好薄辣得好惹味，送酒一流👍🏻莴苣炒黑豚肉，大大碟，莴苣好爽身好入味，川菜煮法既莴苣真系正，黑豚肉有啲似腊肉，浓味少辣😙野椒炒牛肉，劲香咁上枱，啲野椒爆到超香，牛肉几大块仲好多，口感爽腍滑，啲汁系最正，牛肉点左汁劲好味🤤主角酸菜鱼(细锅) 新鲜生鱼片，拣生鱼片系因为贪佢少骨啲，上枱超大盘，有个电磁炉等你冻左可以Warm返佢，鱼肉好多好多，几滑，食得出既鲜鱼🐟味道唔错，酸度适中👍🏻食极都仲有，好适合一面食一面倾🍻成餐价钱一啲都唔贵，性价比几高，可以一班人黎炒返几味慢慢啤😄