小麻吉滷肉飯 (已結業)

小麻吉卤肉饭，位于旺角女人街内街，店内光鲜舒服既，台湾菜，主打当然系卤肉饭，另外都仲有拌面、便当、锅巴饭等🇹🇼另一特色就当然系台式小食，更特别既系佢多选择之余，好平😀细细份细细份，可以食到多啲唔同野，都系台湾地道小食，去台湾必食既，感觉就好似坐系度扫街，充满夜市感觉🏮煎蛋甘香卤肉饭，睇相以为细细磅点知系超大碗🤣细食既两人Share绝对够，卖相好吸引，有麻辣但为咗试真啲个古早感觉拣左甘香，煎蛋令到个饭更靓更想食🍚卤肉好滑好好味，配埋珍珠米口感好好，都几台，加埋蛋黄层次又唔同左🤩更滑同充满蛋香，几唔错既卤肉饭，饮返杯手摇，芭乐红茶，芭乐味唔系好浓，但手摇得好好果香清清地好味😋台湾夜市小食开档！🌝 蒜片小香肠，台式小食点可以唔食台湾肠，平时餐厅食都系切片，佢居然系成条一开二😍配埋生蒜片就系爽，唔会太咸，好味👍🏻木鱼炸豆腐，卖相正，好脆既外皮而入面超滑💓配埋咸甜酱好惹味，肉燥淋青菜，正正常常，份量都唔少🥬卤水鸡翼尖加麻辣，虽然加麻辣要加$5但真系要加，个麻辣汁好正，系台式麻辣既感觉，好香好浓但唔会好辣，愈食愈想食，好味😗成餐饭真系好台，最值得赞当然系「坐住游夜市」，能够细碟而平系非常重要既卖点