スーパー丼 (駱克道) (已結業)

铜锣湾SUPERDON，无食过都经过过，走清新路线既日式丼饭，一定俾佢吸晴既刺身丼吸引左，北海道海鲜丼、吞拿鱼三色丼、北海道马粪海胆丼等都有，自己拣海鲜配搭亦可以😍成日都坐爆人要等位就知质素应该唔错，发现联乘左蜡笔小新，推出夏日限定雪糕咖喱饭系列😗真系加软雪糕落咖哩饭度😯真系要试下，仲有小新系列既特饮，同小新精品、周边产品，几特别✨虽然黎试雪糕咖哩，但主卖刺身丼点可以唔试下啲刺身先呢😋刺身盛合，有三款刺身：三文鱼、油甘鱼、帆立贝，坦白讲，三文鱼真系图文不符，实物吸引好多！🤩 系睇得出既肥美，又大旧，食落鱼脂好够，又鲜又满足🥳油甘鱼都好鲜，厚实嫩滑，北海道帆立贝夹住柠檬几清新，都好鲜甜👍🏻试埋佢既烧物，盐烧牛舌(三切)，上枱已经好香，好大块厚切，焦香同牛味都好浓，好正🫶🏻今日既主角：雪糕咖哩牛肉饭(中辛)，卖相好特别，放左半个阿波罗甜筒雪糕系咖哩饭上，半溶云呢拿雪糕，捞埋咖哩食，令咖哩滑左同多左啲奶/忌廉味😌都几特别，我觉得味道都唔错，咖哩牛肉有埋金菇系入面，整体都几好味，套餐会有埋两件腐皮寿司、面豉汤同一杯特饮，腐皮寿司正常，点咖哩食几得意😄拣左动感超人芒果特饮，深蓝色梳打加芒果，好靓