影片
更多
2018-09-16
401 浏览
劳苏至爱打边炉今次唔食任食，试下高质啲(睇落)既火锅本色，上二楼既门口，几唔错既望落，舒服，有心机一部分既厨房系开放式既有卡位有枱位，星期六晚上黎讲就唔算多人，周围行下，其实舖内都有啲特色摆设，加分准备叫野，汤底未写已上酱料，要有既都有啦平反一下先，之前好似见到好多话服务差态度差既食评，入门坐落到依一刻，服务态度相当唔错，唔知系大幅改善左定俾人写定我好彩，仅代表我单次经历叫野食多选择到一个点，汤底都劲多，由鸡煲、海鲜锅、到普通沙嗲麻辣连饮个啲螺头白肺肉骨茶都有，最后拣左肉骨茶拼螺头白肺，野食由刺身、海鲜都成版咁多，到牛、肉、丸、饺都有，而且特别既可以慢慢睇慢慢叫最后，二人前我都拣左牛魔王(小)、香草带子菜苗饺拼自家制韮菜墨鱼饺(我肯肯定唔会再打咁长个名)、墨鱼滑拼虾滑、莴笋跟住，汤底黎左，不得了个样都赢架喇，试下味，肉骨茶好正，真系饮紧肉骨茶咁，足料，唔系一个汤包或者净系摆得靓hea你，好味试埋个白肺汤，哇，一样足料好味，直情好似老火汤咁(好似)，味道相当okay跟住落黎突然变左饮汤时间，饮到人地帮我地加汤咁济好，陶醉完就开始渌野，梗系要试试牛魔王先啦，牛魔王包括牛颈脊、牛柳粒、金钱展
有卡位有枱位，星期六晚上黎讲就唔算多人，周围行下，其实舖内都有啲特色摆设，加分
准备叫野，汤底未写已上酱料，要有既都有啦平反一下先，之前好似见到好多话服务差态度差既食评，入门坐落到依一刻，服务态度相当唔错，唔知系大幅改善左定俾人写定我好彩，仅代表我单次经历
叫野食多选择到一个点，汤底都劲多，由鸡煲、海鲜锅、到普通沙嗲麻辣连饮个啲螺头白肺肉骨茶都有，最后拣左肉骨茶拼螺头白肺，野食由刺身、海鲜都成版咁多，到牛、肉、丸、饺都有，而且特别既可以慢慢睇慢慢叫
最后，二人前我都拣左牛魔王(小)、香草带子菜苗饺拼自家制韮菜墨鱼饺(我肯肯定唔会再打咁长个名)、墨鱼滑拼虾滑、莴笋跟住，汤底黎左，不得了
个样都赢架喇，试下味，肉骨茶好正，真系饮紧肉骨茶咁，足料，唔系一个汤包或者净系摆得靓hea你，好味试埋个白肺汤，哇，一样足料好味，直情好似老火汤咁(好似)，味道相当okay跟住落黎突然变左饮汤时间，饮到人地帮我地加汤咁济
好，陶醉完就开始渌野，梗系要试试牛魔王先啦，牛魔王包括牛颈脊、牛柳粒、金钱展、手切肥牛（啲长名唔该睇返餐牌），牛颈脊，真心睇唔透全肥个两旧系咩，牛颈脊同手切牛正既，算唔上系我食过既好好味，但比起平时食既牛就正好多、浓味好多啦牛柳粒睇唔透，细粒而且唔太有味，金钱展就好个人，我自己唔太好但都好味既，成个牛魔王几okay但就份量少啲，一样加一至两片就会好好多，下次食会直接食一碟手切牛好啲
墨鱼滑拼虾滑，墨鱼滑系出众既，连我咁钟意食虾都觉得墨鱼滑正啲，两个滑都刻意留返啲虾同墨鱼既肉（即系唔系全打胶），令口感好左墨鱼滑要试
莴笋，系呀莴笋都要讲下，佢系厚身啲个只，唔刻意淋可以早啲落，吸味吸得好啲顺带一讲，白肺汤渌野好味啲，肉骨茶好浓，饮就正
最后就系韮菜墨鱼饺拼带子菜苗饺，带子菜苗一食有芝士，即刻揾个餐牌睇下以为自己叫错左，但睇下又真系有香草有带子有菜苗（因为另一个有写芝士个个系南瓜），普普通通，有特色既，都值得一试既但成碟份量真系少，得6只但成百蚊
韮菜墨鱼饺，OMG，你唔食韮菜就无得讲啦，如果食既，依个饺实在太正，将韮菜猪肉饺未至完美既缺憾一次过补返，要食过先知我讲咩
值得一提既系佢有Asahi同1664既draft，令你既晚餐质素升左一级(当然埋单都升左一级)
总括而言系一餐几唔错既晚餐，首推必食自家制韮菜墨鱼饺，手切牛、墨鱼滑okay，海鲜下次再试
直至依一刻，服务态度相当不错，殷勤之余，煲盖一滚就帮我开、我一次叫加汤都未试过全自动、有礼貌，我见附近啲枱都系咁，唯有话可能只系今晚啲客有既待遇，单次性经验，但就相当不错啰
#韮菜墨鱼饺真系要试
#有啲贵
#其实佢有任食
#连啤酒都有唔使饮百五蚊
张贴
