金頤小館 (已結業)

去衬深水埗，就会去吃上海生煎饱皇，贪佢新鲜生煎饱皮底香脆𥚃面肉汤汁滚热辣，冬天吃特别滋味，有上海小杨生煎包相近，上海咁远唔系成日去到，就去深水埗吃。最近知道城市花园商场亦新开了间上海馆子，今天复活假期尾，中午就来试下。餐牌是大路上海小馆食物，我同相公二人点了笼小笼包、见生煎饱有2只或4只，就点了2只，矶烧鲍鱼青瓜写明2只都是$48，一于试下及加一件厚切上海排骨。生煎送来，生鲜热辣，一小口咬落去汤汁射出来，争点射中相公，好似个包留有汤汁，一尝有浓浓肉汁香味，包底煎得香脆，而包皮不太厚，非常好味道。跟著吃小笼包，亦是皮薄料靓，记得饮哂d汤汁，矶烧鲍鱼亦弹牙抵吃。但碟厚切上海排骨就相对不合格，像快餐店煎无猪排，味道普通，同铜锣湾美味厨的排骨争几条街，人家的排骨有用姜汁腌渍过，炸得外脆内软又 juicy。最后 encore 多2只生煎饱及一碗担担面，面汁浓稠适中有花生香味，花椒麻辣慢慢渗出但不致太辣，连不吃辣的相公亦将汤汁差不多饮尽。整体印象不错，价钱亦抵吃，2人共吃 $180。