影片
更多
2018-05-13
2194 浏览
近年台湾菜馆越开越多，一不离二，二不离三，早前先去过两家餐厅食台菜，是晚又喺台菜之夜，不过就有点唔同，同亲友嚟到中环差馆斜对面嘅「 Check-In Taipei 」，食到嘅既有传统台菜，亦有新派加入多种元素嘅台湾美食。事隔两年半多再访，睇睇水准又如何。虽然同样叫做卖台湾菜，但绝对喺不一样嘅台菜餐馆，因为始终位处荷李活道、云咸街一带，加入酒吧元素，所以，近门口嘅霓虹招牌「我爱台妹」已成功吸引路人眼球，而店内环境摩登型格，一边喺酒吧区，另一边喺用餐区，气氛轻松无拘束。餐牌就喺一张好似枱垫嘅大餐卡（初时真喺以为枱垫，点完餐由侍应拎走先知唔喺），底面两面，印有各类菜式，包括：凉拌小菜、台式蛋饼、盐酥鸡、夜市小食、青菜、镇店卤味、铁板酥皮蛋卷、鲁肉饭、干拌意面及牛肉面。而另一张喺饮品餐单，既然「Check-In Taipei」有以酒吧定位，酒类饮品自然不少，如鸡尾酒、清酒、啤酒、餐酒，唔饮得酒嘅可以拣台式特饮、牛乳、苦瓜汁或台式经典饮品。近门口收银处吊起有个细灯箱，写住「苦瓜汁大王、绿豆沙牛乳专门店」字样，所以，点都要试一试吓先。绿豆沙牛乳 $48晌台湾啲夜市，最常见就喺啲乜乜乜牛乳，而小弟最
虽然同样叫做卖台湾菜，但绝对喺不一样嘅台菜餐馆，因为始终位处荷李活道、云咸街一带，加入酒吧元素，所以，近门口嘅霓虹招牌「我爱台妹」已成功吸引路人眼球，而店内环境摩登型格，一边喺酒吧区，另一边喺用餐区，气氛轻松无拘束。
餐牌就喺一张好似枱垫嘅大餐卡（初时真喺以为枱垫，点完餐由侍应拎走先知唔喺），底面两面，印有各类菜式，包括：凉拌小菜、台式蛋饼、盐酥鸡、夜市小食、青菜、镇店卤味、铁板酥皮蛋卷、鲁肉饭、干拌意面及牛肉面。
而另一张喺饮品餐单，既然「Check-In Taipei」有以酒吧定位，酒类饮品自然不少，如鸡尾酒、清酒、啤酒、餐酒，唔饮得酒嘅可以拣台式特饮、牛乳、苦瓜汁或台式经典饮品。
近门口收银处吊起有个细灯箱，写住「苦瓜汁大王、绿豆沙牛乳专门店」字样，所以，点都要试一试吓先。
绿豆沙牛乳 $48晌台湾啲夜市，最常见就喺啲乜乜乜牛乳，而小弟最钟意喺木瓜牛乳，友人则拣咗店家推介嘅绿豆沙牛乳，绿豆沙煮得好绵又起沙，绿豆味好突出，混入鲜牛乳，奶味浓郁，友人更赞其口感绵滑。
鲜芭乐苦瓜汁 $48虽然小弟钟意饮木瓜牛乳，但相反苦瓜汁就真喺好少饮，所以，贪得意先拣咗杯鲜芭乐苦瓜汁，芭乐即喺我哋惯叫嘅蕃石榴。色泽似甘蔗汁，但入口苦瓜味好出，带点点甘味，然而，芭乐嘅味道就似有还无。
梅子蕃茄 $38我哋因为想慢慢食、慢慢倾，所以，先上啲冷盘及小食。梅子蕃茄率先登场，以梅子做嘅酸汁淋落新鲜嘅蕃茄上，蕃茄食落鲜甜多汁而有点点酸香，的确醒胃；啲洋葱亦索晒啲梅子汁，故亦唔好错过而唔食喔。
窝夫盐酥鸡 $65盐酥鸡喺台湾小食嘅名物之一，唔使多介绍喺乜嘢嚟，而呢道窝夫盐酥鸡就稍作升级，垫底加片迷你窝夫，再淋上由葡萄醋混入枫糖调成嘅酱汁，令酥脆嘅鸡肉味道更具层次，亦有去腻之效；最惊喜喺盐酥鸡底下仲有啲菠萝蓉，令酥香中多一份清甜，果然颇有心思。
窝夫盐酥鸡
$65
50 浏览
0 赞好
0 留言
我仲记得第一次食蛋饼喺晌高雄，蛋饼更喺台湾人传统早餐食品之一。而呢度做嘅蛋饼虽然比较厚身啲，但质感软软绵绵，内里塞满清甜嘅粟米粒，似喺揾牛油炒过，因为有阵阵牛油味；蛋饼面层唧满自家制黑松露酱，其实一上枱已散发出好香嘅黑松露香气，入口就更加明显尝到黑松露嘅幽香味。
紫薯芝士乒乓 $75对上一次嚟都有试呢道菜，好嘢自然就会仲保留晌度。因为做成球状，所以叫乒乓，将麻糬加入紫薯蓉内搓成球，炸香之后外层香脆，内层烟糯，入口甚有蕃薯香；而整道菜洒满巴马臣芝士碎，仲一啲都无手软，令芝士香气更狂热爆发，越食越过瘾。
主厨牛四宝汤面 $98食咗几道小食，喺时间揾啲粉面垫肚，饱肚嘢都有几多选择，原条慢煮嘅牛肋骨汤面够气势，当然想试啦，不过，份量睇落太多喇。次选喺主厨牛四宝汤面，除咗喺店家推荐之外，更因为一碗面有齐半筋半肉、牛坑腩及金钱肚，心多嘅人就梗喺拣佢啦。
主厨牛四宝汤面
$98
48 浏览
0 赞好
0 留言
伯爵茶冻QQ芋圆 $58甜品就只有一款，而且，仲喺好地道嘅款式添，由自家制嘅伯爵茶冻、台湾直送嘅芋圆及地瓜圆、柠檬爱玉、黑糖珍珠、绿豆，淋上花奶及炼奶组合而成，堆得丰富，两个人共享就啱啱好。啲伯爵茶冻口感比较古怪啲，比果冻硬身啲，但𠮶朕伯爵茶劲突出，芋圆及地瓜圆十分咬口，柠檬爱玉滑嘟嘟，黑糖珍珠就口感非常QQ，黑糖味香浓，食过再食都觉得好食。
今晚多道菜式都有心思及做得具水准，碗主厨牛四宝汤面用料更见诚意十足。虽然环境有少少逼，但服务招呼周到，好似上汤面时，帮我咃换过两只大啲嘅碗，到上甜品时，亦换上小碗，而且，按足指示上菜，唔会堆到一枱都喺嘢食。两年半后再嚟过，水准无跌㖞，今晚都只喺闲日都咁爆场，认真势不可挡！
张贴
