The Story Cafe and Bakery

营业中

休息中

先讲结论：食物：普通正常，但系差唔多价钱嘅话商场有其他更好选择。服务：侍应其实有礼貌，不过唔知喺度做乜，其中一个重要系生手，揿机都唔熟。厨房：运作好有问题，食完餐饭仲要催先有汤饮，嘢饮唔催都唔畀。我哋夜晚嚟到餐厅嘅时候得四五张枱有人，谂住咁样唔算忙，就快食个饭。我哋2个人坐低，叫咗两个晚餐，一个系黑松露带子意粉，一个系鸡扒蛋包饭。等咗15分钟都未有嘢食，饮品同汤都冇，同个侍应讲乜嘢都未有，之后过多5分钟先有饭同意粉就上枱，食物正常味道。食到一半，同侍应讲先肯拎两碗汤嚟。食完饭同意粉，嘢饮都仲未嚟，就同佢讲帮我转外卖杯我拎走饮。个侍应都觉得唔好意思，然后去到收银机帮我搞，但系搞咗5分钟都仲未揿到个掣，我直接拎埋张单出去同佢讲埋单，跟住就有另一个侍应过嚟，帮我喺张单度加返外卖杯钱，同时有另一个侍应包紧我两杯嘢饮。咁我比完钱拎完两杯嘢饮就走，之后打开袋嘢睇，畀错咗嘢饮，嬲嬲地直接掉晒两杯嘢，嘥埋我啲钱同个外卖杯。