Little Cove Espresso

营业中

休息中

今日同朋友揸车出去西贡chill下食个tea，再一次黎到呢间充满澳洲风格既café，其实【Little Cove Espresso】一直都系西贡人气小店，性价比相当高，不过因为都落雨既关系，好彩地可以唔洗排队。今次我就点左份系澳洲好常见既French Toast同Affogato，但外观同味道一啲都唔常见，更加可以话系结合视觉同味觉既享受🥰👀👃🏻🍞法兰西多士 (French Toast) $98 (味道：5/5)一上枱已经俾佢既卖相吸引到，摆盘用左唔同颜色既材料点缀，绝对打卡必点。味道方面亦都俾满分💯食第一啖时满满浓郁既奶油、玉桂、蜜糖既甜味，不过相对太甜。食第二啖时加埋个软芝士（Mascarpone），淡淡既奶香岩岩好可以中和返本身多士既甜味同油腻感，成件事即便升华左。另外除左多士本身既口感，开心果碎既脆口加埋芝士柔滑既感觉令成个层次好丰富。☕阿法淇朵 (Affogato) $48 (味道：3.5/5)另一个系澳洲必食甜品，咖啡同雪糕层次分明，入口首先感觉到Espresso既香味，之后再慢慢去到云呢拿雪糕既味道，而且个雪糕都食得出绝对唔系平野。