影片
更多
2024-07-08
3043 浏览
早前同啲老死食饭，讲开打鞭炉，话想食得有质素嘅，通常喺𠮶啲散点嘅会好啲，放题嘅有机会无咁高质，尤其主力食肉嘅朋友，散点起计真喺落楼唔少钱。不过，我话要揾有质素嘅放题店，其实都有好多选择，不过，主打食牛又想性价比高嘅，就谂起早前有食友推介呢一间「天下粮仓牛肉火锅专门店」，老死好有兴趣，就约埋一齐上嚟拆餐饱。餐厅位处旺角区商厦之上，所以，交通非常便利，而走进餐厅，地方唔算话好大，装修简约，一室木系，分4人、6人枱。餐厅尾尾里面见到仲有个厢房，不过，当晚有十几人包咗，就唔方便影相。 一系列牛肉、猪肉、羊肉，就剔纸仔落单，而其他食物，包括丸类、肠仔、蔬菜、饺子、即食面、乌冬、饮品、雪糕……等等，就摆晒喺旁边嘅冻柜之内，自由取用。另外仲有个酱料区，基本嘅酱料都齐，自由混酱，我就唔会太杂，金银蒜、芫荽、葱粒再加啲麻酱就够晒。顺带一题，会收番每位客人$13酱料费，所以，无理由唔捞吓架。饮品打鞭炉点都一边食，一边饮冻嘢先够爽。晌冻柜之内，有好多罐装、樽装饮品，品牌、款式、口味都非常之多选择。小弟就喜欢样样都试下，前后三轮都饮咗几款唔同嘅饮品，放题就有呢样好，攞嘢饮无负担，哈哈。咁介绍吓佢个「究极和牛放
餐厅位处旺角区商厦之上，所以，交通非常便利，而走进餐厅，地方唔算话好大，装修简约，一室木系，分4人、6人枱。餐厅尾尾里面见到仲有个厢房，不过，当晚有十几人包咗，就唔方便影相。
一系列牛肉、猪肉、羊肉，就剔纸仔落单，而其他食物，包括丸类、肠仔、蔬菜、饺子、即食面、乌冬、饮品、雪糕……等等，就摆晒喺旁边嘅冻柜之内，自由取用。
另外仲有个酱料区，基本嘅酱料都齐，自由混酱，我就唔会太杂，金银蒜、芫荽、葱粒再加啲麻酱就够晒。顺带一题，会收番每位客人$13酱料费，所以，无理由唔捞吓架。
饮品打鞭炉点都一边食，一边饮冻嘢先够爽。晌冻柜之内，有好多罐装、樽装饮品，品牌、款式、口味都非常之多选择。小弟就喜欢样样都试下，前后三轮都饮咗几款唔同嘅饮品，放题就有呢样好，攞嘢饮无负担，哈哈。
咁介绍吓佢个「究极和牛放题」收费先，9:30pm前入座就收$246/位，9:30pm后入座平好多，收$217/位，而部分特色汤底需要另外加钱，要留意喔。另收酱料费及加一服务费，基本上，唔使三嚿水可以食到咁多款牛肉，而且任饮任食，对于啲牛魔王、食肉兽嚟讲，确喺好化算。不过温馨提示，限时两个钟，但相信都好足够。
再顺便讲埋餐牌中其他散点部份，例如鸡煲、佐酒小食，更欢迎预订各类海鲜、刺身、生蚝，此外提供多款烈酒、日本清酒，故此，唔食放题，专啲食散点都OK。
芫荽皮蛋汤底我哋悭悭哋，无再加钱要其他汤，再者，老友就想清啲试个芫荽皮蛋汤底。个汤用料十足，劲多芫荽，先饮几啖，味道好清爽，当然，芫荽呢家嘢就唔喺人人都钟意嘅。
牛肉拼盘大放送嚟得嘅人多数都喺食放题，十居其九目标都喺啲牛肉，所以基本上餐厅都会准备晒一盘盘「牛肉大拼盘」，最正喺标示晒所有肉类名称，包括一级肥牛、封门柳、澳洲M7和牛、澳洲和牛金钱展、牛板腱、安格斯牛肩胛、牛脷片、鲜牛肉，够晒吸晴，虽然唔知份量，但肯定有番咁上下，由于喺放题，可以再翻点。
牛肉拼盘
6 浏览
0 赞好
0 留言
羊肉片处理晒成盘牛肉，再嗌咗一客羊肉片试试，因为羊肉晌肉类中始终都有啲特别。羊肉切得够薄，所以，都喺轻轻灼至变色就放入口，肉质同样好嫩滑，羊肉味浓，但唔太膻，占上酱汁更好食。
丸类、猪肠、芝士肠、响铃 食完牛食完羊，都已经7、8成饱，所以，都无再嗌猪肉，改为试下啲丸类嘢，求其夹咗几款丸、猪肠、芝士肠、响铃试一试。虽然只喺来货嘢，但质素唔错，尤其啲芝士丸同贡丸，非常好食，此外，猪肠洗得干净，无猪臊味，又唔觉太肥。
蔬菜、鱼饼去到尾声，当然补返啲纤维质啦，所以，又随意夹咗几款蔬菜。啲藕片同莴笋几好食，粟米都好鲜甜，鱼饼又几爽口，有鱼味，唔喺沟粉嘅货色。
雪糕大拼搏到最后，揾返啲雪糕降下温，甜品方面虽然只有雪糕，但胜在口味劲多，有两款品牌，小弟一向都好钟意食甜品，所以一口气扫咗6杯：桂花乌龙、柚子乳酪、豆腐雪葩、荔枝、芒果、绿茶，
啲雪糕嘅质感几唔错，几有奶香，而且，各款口味都好突出，好有个性。桂花乌龙同柚子乳酪好有惊喜，荔枝、芒果、绿茶嘅味道好浓郁，反而豆腐雪葩不似预期，豆腐味唔算话好出。
雪糕
172 浏览
0 赞好
0 留言
张贴
