小甜谷 (已結業)

开会前同朋友去食啲嘢打打气！我哋未试过食呢间，去到门口见里面无人，仲以为未开，原来几个店员坐在横巷出面！一见到我们就出来招呼！因为六点几，只有我们一枱客！变咗包场！店内面积唔大，光猛干净，浅木家私，座位都几阔落！店舖用玻璃门围住，原来玻璃门可以推开，在横巷放枱仔，可以坐多好多客人！感觉开扬！各自叫了一个甜品！我平时唔食冰，但因为呢个冰卖相好靓，而且网上口碑又唔错！所以照叫！菠萝蜂蜜雪山（$50）份量好大，三款甜品我要等最耐，因为个冰系新鲜即打！卖相好靓，用半个原个菠萝壳刮空装沙冰，冰粒好细滑，菠萝味清甜唔假（唔会药水味）底部混有雪到冰冻四方形新鲜菠萝粒，又滑又juicy! 仲有爽脆菠萝肉！口感好丰富！食店比埋一枝饮管饮果汁，但我冰都食唔晒，所以无饮，我叫埋两个朋友帮手都食唔晒！店员服务正常，我们说说笑笑享受了一次包场嘅甜美经验！