Cafe Italiano

营业中

休息中

朋友包场有幸参加真正有口福，味味都好食似乎大厨手艺非常好。小食一：香煎墨鱼饼小食二：花雕鸡中翼先来两个小食，香煎墨鱼饼及花雕鸡中翼，两款都有水准，墨鱼饼新鲜弹牙，花雕鸡中翼嘅花雕味做得刚刚好，香得黎又唔会抢走鸡中翼嘅卤水味。呢个蔬菜啫喱好好味，入口好fresh，第一次食到咁嘅菜式。盐焗海马友可遇不可求，要有返咁上下大条又要够新鲜真系一d都唔容易。条鱼嘅味好鲜，骨位同骹位d肉嘅鱼油味香得不得了。呢个墨鱼仔好掂，墨鱼仔新鲜唔在讲，大厨调𠮶个酱汁同个墨鱼仔好夹。呢味系橄榄油干蒜片大虾又系好正，佢个汁系精华所在，如果有埋意粉就perfect，衣家好似有啲嘥咗个汁。鸡卷肉札实且嫩滑。呢个乳鸽系全晚最精彩嘅一道菜，听讲大厨煮家禽类最洒家，呢个乳鸽就完全表现晒出嚟，肥美不在话下，焗到皮脆肉嫩真系好难得。食到最后一档斧头扒其实已经饱到上心口，不过梗系要试埋佢啦，佢呢个就好似熟咗少少所以有啲韧，后尾食第二嚿专登拣一件多啲血水色嘅就好味好多。