名峻會 (莊士倫敦廣場)

营业中

休息中

餐厅位于庄士伦敦广场13楼，由佐敦地铁站Ｄ出口行大约２分钟就到，非常方便。一入到去就见到两张美式桌球台，而麻雀台就有独立房间，私隐度高，就算同雀友玩得太兴奋都唔怕吵衬隔离另外重有啲大大间嘅party room可以唱K，有啲房甚至有独立洗手间，全部设备都好新净企理。职员热情友善，我哋今日两个人嚟到，都有得包厢，环境宽落舒服名峻小炒王 $108材料有韮菜、虾干、鱿鱼同腰果等，即叫即炒，咸香惹味，镬气十足，无论就咁食定送饭食都咁正。榄角骨 $108睇openrice见好多人推荐呢个榄角骨，果然冇介绍错！酱汁香甜开胃，带有阵阵嘅榄角香味，排骨本身有炸过，外层香脆，肉质软腍，好正好入味！椒盐豆腐 $58又系热辣辣新鲜送上，炸皮够薄够脆，中间嘅豆腐嫩滑有豆香，加埋啲椒盐，梗系冇得输蒜香牛柳粒 $68啲牛柳粒本身都靓，肉质软嫩，有牛味，简简单单加啲蒜粒煎煮已经好好食。