影片
更多
2014-01-26
490 浏览
每逢过年，好多餐厅都力谷盆菜，无他嘅，因为盆菜市场大嘛。有啲人食团年饭怕出去同人逼，又怕被人锯，又唔想煮餐蒙，一个大盆菜，加一两味小炒，煮啲饭，就够十个八个人食；又或者晌过咗年食开年饭，出面好多铺头都未开炉，市况冷清，索性订啲盆菜围住一齐食，够气氛 。所以，渐渐越嚟越多人晌过年期间订盆菜食。曼谷泰菜依间泰菜馆亦唔例外，都应应节推出「泰式风味招财进宝盆菜」（6位用），早前无耐先嚟过帮衬，依晚，又有幸出席跟一众食友提早做节食团年饭，首尝依个泰式盆菜 。其实所谓「泰式盆菜」都只喺晌我哋食开嘅盆菜，加入「泰式」食材元素，例如：泰式猪手、泰式扎肉、泰皇贵妃鸡等等，其他材料，都喺传统中经常见到，包括原只饱鱼、大虾、虾丸、冬菇、蚝豉、鸭掌、西兰花、黄金鸭，以及垫底嘅炸芋头、莲藕，一共13样食材，可谓非常丰富，当中不乏用料矜贵 。暂以好意头优惠价$668推出，供应期至2月13日（需3日前预订，于分店自行取货），而且仲可以用$58加配原价$88嘅泰式甜品拼盘，贪新鲜又想今年转转口味，不妨订番个试试 。虽然个盆菜话6位用，但其实份量都几十足，拎上手都几重架，多几个食都仲够。拎到返屋企，加入随盆菜附
其实所谓「泰式盆菜」都只喺晌我哋食开嘅盆菜，加入「泰式」食材元素，例如：泰式猪手、泰式扎肉、泰皇贵妃鸡等等，其他材料，都喺传统中经常见到，包括原只饱鱼、大虾、虾丸、冬菇、蚝豉、鸭掌、西兰花、黄金鸭，以及垫底嘅炸芋头、莲藕，一共13样食材，可谓非常丰富，当中不乏用料矜贵 。暂以好意头优惠价$668推出，供应期至2月13日（需3日前预订，于分店自行取货），而且仲可以用$58加配原价$88嘅泰式甜品拼盘，贪新鲜又想今年转转口味，不妨订番个试试 。
虽然个盆菜话6位用，但其实份量都几十足，拎上手都几重架，多几个食都仲够。拎到返屋企，加入随盆菜附送嘅原汁原味酱料慢火煮滚后即可食用。当然，筷子、匙羹及纸碟俾埋你，食完唔使烦干手净脚无烦恼 。一众材料排列有序，汁底一滚起，我哋就急不及待起筷「揾食」：泰式猪手 - 睇落几肥，估唔到食落又OK，外皮肥而不腻，肉质炆得软腍，甚有食元蹄嘅感觉；
泰式扎肉 - 扎肉柔软中有少少咬劲，无话特别好食，都唔错；
泰皇贵妃鸡 - 食落鸡肉非常嫩滑，甚有水准；
原只鲍鱼 – 都算大笔喇，饱鱼够大只有睇头，鲍味不俗，有咬口；
虾丸 – 无试；
冬菇 – 冬菇几香菇味；
蚝豉 – 蚝豉唔喺好大只，但都煮得入味；
鸭掌 – 无试；
西兰花 – 无试；
黄金鸭 – 无试；
炸芋头 – 芋头先炸过再煮，唔易散，入口粉香；
莲藕 – 好爽脆，经酱汁浸透，特别浓香。
深海大虾 - 有无发觉上面食材无咗啲虾，无错，你睇个盆菜都唔见有虾，因为大厨俾个「惊喜」大家，将啲虾整咗另一度菜蒜蓉煎炸大虾，卖相好吸引，大虾炸过再加入大量金蒜、辣椒煎香，所以份外惹味 。不过，碟虾喺先过个盆菜拎出嚟，搞到我哋错以为依碟喺另一道菜！
顺带一提，椰青每个星期都会返两次货，货源新鲜，开店之初卖嘅$45减到依家$38，仲要买一送一 ，真喺抵饮到极。所以小弟都点番个饮，入口清甜天然，椰青肉亦可慢慢刮出嚟食 。
今晚预早同一众食友团年，饭后又有零食小礼物收，真喺食得有气氛又开心 。
张贴
