村上居酒屋 (已結業)

旺角都有好多呢类型-一间可以食多款式的日本居酒屋，不过我又唔想食放题，想食精少少就拣左村上居酒屋。入到去两人都有卡位坐正!侍应会留意个杯中有冇水，会帮你加茶。当你食咗一碟例如沙律之后，沙律酱铺满成个碟，佢会帮你换过一只新碟食第二款菜。到食鳗鱼饭佢会俾个碗同匙羹你，有啲餐厅会忽略咗呢样嘢，真系由得你攞只碟去食鳗鱼饭，唔系唔得，不过好难用匙羹“笔”起啰!炸三文鱼鳞 三文鱼皮就食过，三文鱼鳞真系第一次食呀! 咸 咸咸地作小食。野菜沙律加咗芝麻酱的沙律系特别好食，而且亦都有啲醋的味道。冷奴 豆腐好滑。天妇罗虾反卷天妇罗好新鲜，外边个饭仲有少少炸浆，特别!白身鱼薄切 左口鱼几近透明色，再配埋个柚子萝卜汁，味道一流。鸡骨肠 系带骨鸡肉味的肠仔，厨师切成两份，又有锡纸包住个尾部，食用时唔怕沾污只手。烧芝士年糕 芝士味超浓，年糕好烟韧。日本酱油烧粟米 粟米虽然唔系超甜粟，不过个酱油加咗落去好惹味。自家制饺子 外面个皮煎得脆脆，入面系一啲菜和肉。黑松露野菌玉子烧 一切开中间全部都系菇，所以黑松露味更加浓。清酒煮蚬 蚬虽然唔系好大只，不过都几鲜甜。鳗鱼饭鳗鱼酱汁味好浓肥美。