影片
更多
2015-05-21
241 浏览
爱打边边的人是一年四季都可以打边边的XD杏花楼就成日食，今次黎到观塘新开既「杏花火锅」打边边。等齐人之前较岩个个酱料先：）要有既酱基本上都齐啦!等个炉滚既时候就食住日式刺身拼盆先啦：）不过我唔太受到生冷野，只系食左蛋同蟹柳，蛋好Juicy，好香蛋味，蟹柳虽然无咩特别，但食落都唔系D劣质货。野饮就几特别啦，罗汉果无花果茶同紫贝天葵，罗汉果个味我唔太喜欢，紫贝天葵几香又清清地，几岩打边边。边边个汤底系胡椒猪肚鸡锅，先饮汤再打边边，个猪肚包住只鸡黎煲，剪开猪肚，完全冇臭味，入面只鸡仲Keep住嫩口，个汤好香胡椒味，少少辣又唔会太Over，不过饮完再加上汤打边边，上汤就有少少唔够味啦，下次要留多少少胡椒汤做汤底先得。我地嗌到成枱都系，都咪话唔疯狂XD不过我唔食鱼，白鳝片同鲩片就唔关我事，但友人大赞新鲜又嫩口。鲜猪润我都唔记得左试XD比较特别既系即炸鱼腐大皇(左下)，食落唔似鱼，外面香脆，入面嫩滑，香口既小食。响铃、鱼皮都系即炸既，咬落D鱼皮好似食紧薯片咁，正!响铃够哂香口，衰在个汤唔系太够味，唔系就完美了：）但讲到尾，打边边既重头戏都系肥牛：）本地手切肥牛，手切都咁薄身，脂肪纹幼身得黎分布平均
杏花楼就成日食，今次黎到观塘新开既「杏花火锅」打边边。
等齐人之前较岩个个酱料先：）要有既酱基本上都齐啦!
等个炉滚既时候就食住日式刺身拼盆先啦：）不过我唔太受到生冷野，只系食左蛋同蟹柳，蛋好Juicy，好香蛋味，蟹柳虽然无咩特别，但食落都唔系D劣质货。
野饮就几特别啦，罗汉果无花果茶同紫贝天葵，罗汉果个味我唔太喜欢，紫贝天葵几香又清清地，几岩打边边。
边边个汤底系胡椒猪肚鸡锅，先饮汤再打边边，个猪肚包住只鸡黎煲，剪开猪肚，完全冇臭味，入面只鸡仲Keep住嫩口，个汤好香胡椒味，少少辣又唔会太Over，不过饮完再加上汤打边边，上汤就有少少唔够味啦，下次要留多少少胡椒汤做汤底先得。
我地嗌到成枱都系，都咪话唔疯狂XD不过我唔食鱼，白鳝片同鲩片就唔关我事，但友人大赞新鲜又嫩口。
鲜猪润我都唔记得左试XD
比较特别既系即炸鱼腐大皇(左下)，食落唔似鱼，外面香脆，入面嫩滑，香口既小食。
响铃、鱼皮都系即炸既，咬落D鱼皮好似食紧薯片咁，正!
响铃够哂香口，衰在个汤唔系太够味，唔系就完美了：）
但讲到尾，打边边既重头戏都系肥牛：）本地手切肥牛，手切都咁薄身，脂肪纹幼身得黎分布平均，食落好嫩，牛味亦好够。
正!正!正!
讲到牛，一定要试下呢到特有既牛之天地杂锦拼盆。西式拼盘咁放满哂唔同部位既牛，安格斯肥牛、牛柳粒、牛展、牛胸爽、牛坑腩、黑柏叶都齐哂，满足食牛既欲望XD
安格斯肥牛比本地肥牛更嫩身，但牛味无咁重，牛胸爽我第一次食，口感几特别，好似食紧爽口弹牙既肥膏，但又几挺身。
杏花四式滑我本身唔太钟意食D乜滑物滑既，但呢4款滑个味又几OK，有咬口得黎好似食紧鱼蛋既感觉。
农场时蔬拼盆
见到都觉得新鲜既蔬菜，最开心系有埋菇类。
手打稻庭乌冬同劲爽虾子面，招牌手打三宝丸乌冬系打边边既好朋友，我食左超多XD
虾子面本身我唔太好，但呢只都几香口弹牙。
再配埋招牌手打三宝丸，我呢粒是牛啊，又滑又嫩，仲好香牛肉味，Nice：）
最后以姜茶西米皮汤圆作结，第一次食西米皮整既汤圆，口感好特别，感觉无咁腻，同时保有汤丸既质感，入面既芝麻似系手磨的，香口得黎仲有少少野咬。姜茶我是不嬲都唔饮既，但呢碗试左两啖又几易入口，甜味同姜味50/50，唔太辣又唔太甜XD
整体以打边边黎计系水准之上，食物新鲜得黎都有少少新意，餐前仲有个刺身真系几贴心。
但败笔之处系我地个汤底留得唔够，搞到打边边时得返D上汤味，冇哂D靓汤底T^T
下次再黎我会留返半煲汤做底XD
张贴
