影片
更多
2014-08-11
1651 浏览
是日休假, 又系一家三口'出动'之时, 阿B渐大, 自己识坐, 我俩可以多些带他出街"揾食", 好似今日, Honey话请我饮茶一盅两件, 哗! 好呀! 近几个月为了阿B吃得健康, 多在家吃健康餐, 好耐无出去撑枱脚, OK, Good! Let's GO, go go go~Honey带我嚟到中港城的'功夫点心', 招牌好醒神好抢眼, 柯打纸系武林秘笈咁几得意. 11点半未到繁忙时间, 只有几个卡位坐了客, 所有散枱无人, 任坐, 我哋叫咗准阳鲜肉饺, 其实似红油炒手, 辣油几香, 唔错! 酥皮香麻萝卜饼, 几特别唔系周围有卖, 馅料好似萝卜丝酥嘅做法, 饱外皮够脆, 内里有弹性, 成个包又够热, 好味! 其他有蜜汁叉烧包、 脆皮叉烧包、 煎蛋牛肉饭, 老实讲, 非常一般. 另外有一款特别有印象的是煎燸米鸡, 只因为做得差, 个蛋黄实到离奇, 用筷子笃都笃唔入, 馅料又唔特别香, 净系外皮煎得几靓, 所以都系普通料. 因为我哋早入坐的关系, 间铺几疏落侍应系几清闲的, 但招呼都唔会特别妥贴咩都要招手例如攞辣酱/冲水等等, 稍候一阵至埋嚟, 皆因她们自己在打牙较同云游中.
Honey带我嚟到中港城的'功夫点心', 招牌好醒神好抢眼, 柯打纸系武林秘笈咁几得意. 11点半未到繁忙时间, 只有几个卡位坐了客, 所有散枱无人, 任坐, 我哋叫咗准阳鲜肉饺, 其实似红油炒手, 辣油几香, 唔错! 酥皮香麻萝卜饼, 几特别唔系周围有卖, 馅料好似萝卜丝酥嘅做法, 饱外皮够脆, 内里有弹性, 成个包又够热, 好味! 其他有蜜汁叉烧包、 脆皮叉烧包、 煎蛋牛肉饭, 老实讲, 非常一般. 另外有一款特别有印象的是煎燸米鸡, 只因为做得差, 个蛋黄实到离奇, 用筷子笃都笃唔入, 馅料又唔特别香, 净系外皮煎得几靓, 所以都系普通料.
因为我哋早入坐的关系, 间铺几疏落侍应系几清闲的, 但招呼都唔会特别妥贴咩都要招手例如攞辣酱/冲水等等, 稍候一阵至埋嚟, 皆因她们自己在打牙较同云游中...不过叫都会埋嚟嘅因为间铺咁细无可能扮睇唔到, 所以这是期待改善的部份.
另外, 我们进餐中途有小插曲, 就是有对年青情侣一人一个大背囊再加一两袋手抽纸袋入店, 见有卡位想坐但两个女侍应系咁话有客留咗要佢哋坐二人枱, 其实当时12点几, 间铺仲有大半数枱未有客, 扰攘咗一阵好似好唔情愿坐低咗, 侍应走去开茶但都无两三分钟茶未到...pair客已起身走人, 侍应问咩事...个女仔就话坐得唔舒服好迫, 咁阿侍应就即刻话转卡位俾佢哋但客人坚持走话: [头先你又话留咗俾人, 唔食喇...] 其实佢哋走咗, 我哋差唔多12点半埋单都仲系无咩客, 个卡位当然仲未有人坐啦, 咁你老细又做少咗生意呢! 当时真系可以安排好啲, 既然卡位话留咗俾人, 咁拍多张枱俾佢等佢坐得松动啲、摆吓背囊都好呀...唔通棒著个袋食咩? 亦唔系人人都肯将个袋放地, 转头又孭番上身嘅! 至少呢个弹性啲处理, 用个可能comfort到客人嘅普遍手法, 反正你又无爆场, 啱唔啱先?! 所以都系好睇啲侍应识唔识变通, 所谓"服务性行业", 当然顾客唔系永远是对的, 但"顾客至上"系真嘅!
功夫点心---有机会都可以再嚟但唔会专程去帮趁.
张贴
