Okashi Galleria x Calbee Plus (已結業)

讲到食薯片，最出名一定系日本牌子《卡乐B》。各位薯片迷期待已久嘅薯片概念店终于登陆香港湾仔喜帖街。店铺里面有开放式嘅薯片制作工场， 薯片制作嘅过程一目了然。即炸新鲜薯片有波浪同埋平切两种选择， 今次我就拣咗波浪形，波浪形状可以吸附更多调味料， 而且食落比较脆身。口味方面就拣咗香港限定嘅避风塘口味。 套餐价加埋一杯汽水38蚊， 贵就贵咗啲， 不过身为薯片超级迷嘅我， 一定要试下新鲜炸嘢薯片系咩口味。鲜炸嘅薯片摸上手热辣辣， 食落够晒脆身， 不过避风塘口味就毫不特别， 唔够蒜香同埋椒盐味， 反而食落有啲似妈咪面， 而且味道太咸， 用两杯汽水送都唔够。对于系薯片嚟嘅我难免会有啲失望， 希望会有其他更加特别嘅薯片口味， 为我哋带来惊喜啦。