美心西餅 (已搬遷) 新店位置

最近，听到妈咪同家务助理那位阿姨倾计，讲到 <美心西饼> 嘅空心面包好唔抵食！得阵风！ 同个朋友倾电话，连佢都话美心啲面包好轻！系咩？等我买嚟试吓！如果真系的话，就要通知大家！现时，美心面包以最普通一款肠仔包为例，都要盛惠 $6.8，仲要系细细个！其他大路款式多数要 $7.5! 价钱已经贵！外表仲好平凡！比其他连锁面包舖更逊色！ 大大失去吸引力！久不久，有些连锁面包舖会推出新口味面包，搅搅噱头！ 美心呢方面比较少！蘑菇吞拿鱼包 $8包质松软！气孔不算大！蘑菇切碎粒，吞拿鱼只系薄薄一层！食完真系到喉唔到肺！南瓜鸡肉包 $8个包够长！但系，要食到一半先见到啲馅！可想而知！馅料实在少得可怜！ 真揾笨！清甜嘅南瓜配合鸡肉粒，中和干身嘅鸡肉！不过，鸡肉颇为嚡口！香芋蛋糕 $4一件轻怡口味嘅小蛋糕！略带香芋味道！甜味刚好！些少 cream ，唔会好馏！比面包好食！如果，喺美心买两个面包+一支饮品的话，起码廿$有多！反而，去茶餐厅食早餐好过！结论：美心啲包！贵夹唔饱！