樂麵

营业中

休息中

寻晚好忙，忙到食饭时间都唔记得埋，收工之后就急急脚去将军澳𠮶边揾嘢食，揾嚟揾去，突然谂起自己好耐冇食拉面，又见到𠮶度有一间拉面餐厅，乐面，就行咗入去试吓，好彩赶得切。order咗面之后，趁住啲面未上枱拎部电话出嚟，发现餐厅入面嘅装饰几特别就影咗几张相。其实餐牌上面有好多款食物拣，不过我最后都系拣咗琥珀之味 酱油清汤拉面。成碗面好大碗，鸡肉同鸭肉片都好食，汤底有啲咸但系唔会好滞，酱油糖心蛋最好食，又滑又嫩。仲有其他配料葱花、京葱笋同红椒丝。成个感觉都好好，食物好食，服务又好。但系因为太赶时间冇乜时间慢慢咁食，决定下次再嚟试多次。