京饌 (已結業)

特意早两日已经订位同埋预留北京填鸭，因为听人讲如果多人叫嘅时候真系会冇得食。入座之后睇到Menu，就简简单单叫咗个六人餐，唔使再谂食乜嘢咁烦。六人套餐 $1680醉鸭肝好入味而且有种入口即溶嘅感觉，但系一人一块就好够因为食落感觉都几漏。鸡丝粉皮份量比较少，六个人食每人夹啲啲就冇咗。葱油海蜇皮好好食，识落好爽口同埋唔会好衰都可以夹到完整一条一条。麻辣凤尾鱼份量几多，食落小小麻辣味道好开胃得意，不过食多两三条感觉好热气。花旗参螺头炖乌鸡清清地，口味偏淡。鸡头米炒河虾仁酒楼质素北京填鸭(全只)黎到重点嘅北京填鸭，上左两碟配菜酱汁，加一笼皮用黎包住食。卖相都见得下人，不过片皮鸭食落好干身，小小皮嘅油脂感都唔系好感觉到。要靠块皮同埋配菜酱汁去搭够先勉回少少口感同味道。其实都几失望。什果糖醋大黄鱼酸酸甜甜，几好食。京葱爆黑豚肉食到呢个位都几饱下，呢道菜都几油，食几旧就算。北京水饺皮厚到癫左，入面冇汁，唔系好知食紧咩。糖水整体黎讲，都几失望，北京填鸭最为失望，其次就系价钱唔值，食物水准可能差过一般屋村酒楼。