沐白小農 (已結業)

今日公司有事派我同两个同事过一过荃湾果边一转。搞完公事可以直接收工，正～～正好可以喺荃湾呢边周围揾下嘢食。行下行下，比我哋遇到呢间沐白小农牧场，睇落系类似贡茶果种。见大家都有啲口渴就饮啦！佢哋叫咗杯大甲芋头鲜奶同黑糖波霸鲜奶。两款都唔错嘅听返同事讲。就算落咗黑糖都唔会话太过甜，甜度系适中，亦都相对健康啲，本来钟意饮珍珠奶茶嘅人都值得去饮返次。然后个芋头鲜奶都够晒甜，饮落就feel到佢有浓浓嘅芋头香味。可以推荐比钟意食芋头嘅朋友。由于我自己唔太习惯饮啲乜乜乜沟鲜奶嘅饮品，所以我自己另外叫杯冻柳橙绿茶(无糖)。冲出嚟只真系几正下，个橙色好靓搞到我忍唔住系咁影相。饮落都唔系差嘅，由于我叫嘅系无糖所以甜度唔高，比较多嘅系橙香味同绿茶嘅涩味。