一焼肉

营业中

休息中

原来上水广场开咗间烧肉店🍢,不过因为喺角落,所以无留意到👀~间店有几款套餐,仲有唔少单点嘅肉类同蔬菜可选👍~呢个极上蟹味噌甲罗烧套餐真好正!除咗有甲罗烧🦀,仲有A4和牛肩肉🐮,油脂分布靓,食落又香又绵~另外仲有厚切牛舌👅,啖啖肉劲juicy~精选牛三食嘅肉就无咁靓油花,相对肉会无咁滑,但就比较香牛肉味😋~呢个餐都有牛舌,但就薄切嘅,我个人觉得薄切嘅比较好食👍~而牛五花油脂都多,食起嚟好香~呢两个餐都会跟前菜同埋饭🍚,我哋加9蚊转咗紫菜饭,劲香😋~另外点咗呢个澳洲M5和牛内裙边,非常大块!佢仲有好多串烧可以选🍡~我哋自己烧翠玉瓜唔太掂...反而点串烧呢种就好食好多,上面仲有郁郁木鱼碎~而呢个香葱豚肉腩卷都唔错🐷~好多葱,又香又脆,而且几抵食~另外仲点咗日本二节翅🐔~翼尖烧到脆卜卜,鸡翼嘅肉就比较嫩~呢个砂肝串其实系鸡肾,本来仲以为系鸡膶~唔会烧得太干,食落好爽口😍~总括而言,呢度嘅烧肉种类都几多选择~个人最钟意有甲罗烧嘅套餐👍👍,款款肉都好好食~而蔬菜类嘅嘢就叫串烧比较好,自己烧好易㶶😂~