北方餃子源 (皇后大道東)

营业中

休息中

系附近上堂放lunch得一个钟，仲要预来回travelling time，都系食啲快又饱肚嘅野就算。虽然呢啲放时间一定要同人逼又要等位架啦，本身谂住博下冇咩人食出名嘅samsen泰面。点知多人到要等位，无奈放弃。店铺装修保持翻旧有装修，一行入去就feel到老店𠮶阵除。门口仲有唔少日文嘅介绍，唔知呢间系咪系外国游客好受欢迎嘅呢?等位唔使好耐，反而外卖嘅人仲多。要左十只京葱羊肉饺(＄50)，饺子大大只嘅，馅好足料又饱满，咬落好有肉汁，系多到会流出黎𠮶种。汤底冇咩特别，唔会死咸。饺子调味够嘅，但同甜记嘅同款比，佢冇咁重香料味。羊肉同京葱比例啱啱好，真系要弹嘅话系京葱有啲硬嘅位佢都放左入去，变相口感冇咁好。饺子皮滑身但够薄，存在感唔强，唔会成口面粉感。食落其实都唔错嘅。