亨通餃子店 (已結業)

饺子控又出动！收工黎食，见到食客多数系街坊，老板娘同熟客有倾有讲，几有人情味。店内只有八个座位，有一角系擀饺子皮既工作台，有部份易出水既饺子姐姐会即叫即整两个人嗌左茴香猪肉饺 ($42)、牛肉馅饼 ($18)、炸酱面 ($35)。馅饼切完饼皮仍然系痴住既，馅有d散，食得好狼狈。肉汁系有既，不过唔算好多，值得一赞既系入面既洋葱同香料整得好食。茴香猪肉饺 - 北方饺子预左皮会有d厚。茴香好正好香，八只轻松清晒 注意，依度应该不设双拼饺子。炸酱面 - 全餐最好食既！一定要试！！秘制炸酱、萝卜丝、青瓜丝、蒜蓉、芫茜、酱汁，捞匀食，而家谂起都食指大动流晒口水两个人埋单$100都唔使，好抵！不过值得一提既系舖入面抽风欠佳，我比油烟薰到对眼好辛苦，系咁标眼水，食完出黎头发都有阵油烟味 建议大家坐出面或者外卖，还掂入面冷气唔大，夜晚食既坐出面其实冇咩分别。