影片
更多
2016-06-06
7762 浏览
呢排经常跟住湾仔嘅好友发掘呢区嘅餐厅！呢间欧洲菜新开，连佢都未试过，上到去门口（观察下环境）睇见装修几舒服，中央一个好大嘅吧枱，座位有低嘅梳化位，又有高嘅高脚枱，因为已经过了午餐高峰期，所以只有一枱女性坐梳化位，问埋外籍店员攞午餐餐牌睇，价钱都ok,佢问我们想坐边，我想向窗，所以拣高脚枱，楼层高向窗好开扬，枱面玻璃下系一个黑胶唱片盘！坐低之后，问外籍店员有无识讲广东话嘅店员，因为餐牌好多袋材都唔认识，只系列出材料！食材餐厅好多都自制，例如香肠！吧枱上亦有好多自家浸制嘅辣椒之类嘅配料！佢揾咗个中国人店员出来，经过佢详细解释啲菜色（好多食材名称都系香港比较少见，好似火箭菜都唔系用香港常用嘅英文字眼）经过好友问清楚，店员亦称可以一个午餐分享！呢个餐牌有啲问题，佢写2个菜$188或3个菜$258，最大问题系per person，令人理解午餐系段人头计钱，后来问清楚系段餐计，最后成功落单，呢类西餐唔好急，唔可以用香港人一般速度去计！免费餐包：餐包外脆，有咬口，入面松软，充满麦味！炸蘑菇饭波波：店员介绍蘑菇加饭再炸，好像薯仔波，面头洒满椰丝，火箭菜芝士沙律：好简单，火箭菜用油醋汁捞咗，火箭菜唔会苦
睇见装修几舒服，中央一个好大嘅吧枱，座位有低嘅梳化位，又有高嘅高脚枱，因为已经过了午餐高峰期，所以只有一枱女性坐梳化位，问埋外籍店员攞午餐餐牌睇，价钱都ok,佢问我们想坐边，我想向窗，所以拣高脚枱，楼层高向窗好开扬，枱面玻璃下系一个黑胶唱片盘！坐低之后，问外籍店员有无识讲广东话嘅店员，因为餐牌好多袋材都唔认识，只系列出材料！食材餐厅好多都自制，例如香肠！吧枱上亦有好多自家浸制嘅辣椒之类嘅配料！佢揾咗个中国人店员出来，经过佢详细解释啲菜色（好多食材名称都系香港比较少见，好似火箭菜都唔系用香港常用嘅英文字眼）经过好友问清楚，店员亦称可以一个午餐分享！
呢个餐牌有啲问题，佢写2个菜$188或3个菜$258，最大问题系per person，令人理解午餐系段人头计钱，后来问清楚系段餐计，最后成功落单，呢类西餐唔好急，唔可以用香港人一般速度去计！
免费餐包：餐包外脆，有咬口，入面松软，充满麦味！
炸蘑菇饭波波：店员介绍蘑菇加饭再炸，好像薯仔波，面头洒满椰丝，
火箭菜芝士沙律：好简单，火箭菜用油醋汁捞咗，火箭菜唔会苦，好鲜嫩！上面放咗几片薄芝士，芝士味道唔浓，反而质地几得意，系弹牙嘅，少许水牛芝士嘅感觉！加上腌过嘅桃肉，微酸爽脆，几开胃！
香煎鲈鱼：简单煎过再烩汁，鱼肉嫩滑唔腥，啲汁微辣惹味！下面垫底嘅果仁爽口，好味
苹果呍呢嗱青柠汁：苹果及青柠味道清新，加上呍呢嗱味，令味道有层次又唔会腻！正！
冻柠檬茶：朋友饮，佢话味道清爽，难得睇住外籍店员在吧枱即冲茶，再用调酒杯加冰冲制！店员有礼有耐性，食物有特色，即叫即做又好味（连饮品嘅茶都系即冲再加冰变冻柠茶）呢度又唔催促，好悠闲，不过见来嘅都系英文人，讲真餐牌真系要有中文先吸引新客，至少令人明白用乜嘢食材同煮法（好像其中一款主菜系慢煮，唔系店员讲都睇唔出）英文词汇又跟外国模式，就算英文好都未必明！
以呢个水准，午餐一啲都唔贵！希望可以令多啲人认识北欧菜！
张贴
