Oslo (已結業)

本来同好友想去食意大利嘢嘅，去到竟然冇开门（明明OpenRice写住开架嘛😤😤），因为天气实在太热，唔想系条街度再逛，逐去隔两条街嘅Oslo试吓。蒜香榄油鸡肉炒意粉好友话呢个意粉一般啦，茶记风味，鸡肉唔算鞋口，但意粉唔够弹牙。夏威夷丹麦酥pizza个名话就话系Pizza，其实系由两块丹麦多士拼埋而成，上面铺咗少许烟肉同菠萝。块多士焗得几脆口嘅，其他配料都系茶餐厅嘅格局，不外如是。炸洋葱圈呢个洋葱圈炸得唔够酥脆，比较淋身，再脆口啲会好一点。曲奇奶昔呢杯曲奇奶昔，虽然面头舖咗唔少曲奇碎同埋少许可可脆波，但杯奶昔其实好稀，打得唔够厚，唔够香浓。而好友叫嘅饮品青苹果梳打，真系唔好饮，所以相都冇影🤣🤣。总括嚟讲呢间Cafe虽然外貌同装饰颇有欧陆风格，但食物质素同一般茶记无异。