影片
更多
2012-04-21
53 浏览
下午3时左右行到嚟深水埗北河街市政大楼2楼熟食中心, 望到水牌写住「芽庄城」10号就用对眼周围扫扫, 原来左边铺号是1至10, 右边是倒数20至11, 咁熊夫妇就小心翼翼咁踏着湿滑又油的胶地砖, 穿过台与台之间并避开别些店铺员工拉客的眼神, 走到来10号铺前, 首先听到「事头婆」连番向周围食客致歉:「唔好意思, 今日特别多客, 送唔切咖啡, 下次再送过。」 最初熊妈听到一头雾水, 心谂: 唔系嘛...我特登为杯滴滴咖啡嚟㖞, 嚟到无就好大镬㖞! (要知道请得郁熊爸嚟街市熟食中心系超难度的事, 他最怕污糟邋遢, 地面湿滑)好不容易找到两个位坐, 因为千祈咪见到吉位就乱坐, 其他食店嘅阿姐会赶人走 坐底睇餐牌, 想叫orders最好亲自行上铺前落, 熊妈见到人地举极手都无侍应生理会。 排队叫orders时发觉唔见咗「事头婆」, 原来佢好亲力亲为咁去咗送外卖, 后来还听到她和其他员工讲话唔好再接外卖, 今日做唔切。 熊妈望到厨房入面只有「事头」one man band咁煮食, 要兼顾炸嘢, 又要顾吓煮汤粉等等, 厨房前那张大台面同时是落单、收银、水吧嘅重地, 大台附近地面放了层层叠层
好不容易找到两个位坐, 因为千祈咪见到吉位就乱坐, 其他食店嘅阿姐会赶人走 坐底睇餐牌, 想叫orders最好亲自行上铺前落, 熊妈见到人地举极手都无侍应生理会。 排队叫orders时发觉唔见咗「事头婆」, 原来佢好亲力亲为咁去咗送外卖, 后来还听到她和其他员工讲话唔好再接外卖, 今日做唔切。 熊妈望到厨房入面只有「事头」one man band咁煮食, 要兼顾炸嘢, 又要顾吓煮汤粉等等, 厨房前那张大台面同时是落单、收银、水吧嘅重地, 大台附近地面放了层层叠层层顾客食过嘅碗碟餐具, 可知道真系非常忙碌 呢餐饭等得好漫长, 由落单到送嚟第一款食物足足有46分钟之久(催都唔好意思催, 因为听到女侍应生都不断向其他等待中兼鼓噪的食客say sorry), 熊妈排队叫orders时见到有食客怒撕那张手写单话: 「唔等啦!」兼走咗去。 等待时熊妈还要安抚熊爸, 唯有打趣说:「喺越南食生牛河都系喺街市食, 都系咁嘅环境, 咪当自己去咗越南旅游啰」(不过同台旁边那两名饮啤酒, 吮鸡翼的男食客真是很不济, 鸡骨周围吐, 口水花乱飞, OMG)
终于下午3时50分, 第一样食品送到
法式茄汁牛腩饭$28 连热饮一杯...汁底较稀, 茄汁唔够味因为红萝卜抢了不少味道, 有点什菜汤的影子, 牛腩炆得好腍, 肉质是瘦中有肥, 轻轻的就可以咬开；饭煲得偏软, 捞汁会散开。
越式拼盘(春卷2件、风沙鸡翼2件、虾饼2件、扎肉几片) $43...全份都很好吃, 春卷皮脆馅多, 带点烟韧, 馅料有木耳丝、红萝卜丝等清爽口感, 包生菜叶沾碌冧来吃是更加酸甜清新；鸡翼皮香脆, 肉多汁, 胀卜卜兼有爆蒜香味；虾饼弹牙够老实, 唔系外边买的机制货
生牛肉河粉(细碗)$22连热饮一杯...听说正是越南地道口味, 送来时是没有香叶, 可要求另外送上, 「事头婆」给我一株薄荷叶、一角青柠及四粒指天椒粒, 但熊妈比较想要别人的金不换 呷一口汤...味道较淡, 淡得来带清, 金边粉较薄, 不够韧劲, 肥牛片肉味充足, 幸好有落香叶来提鲜但始终咸味不够。
特登为滴滴咖啡而来
把咖啡粉放入铝制的滴漏壶里, 冲入热水, 盖上盖子, 静待咖啡一滴一滴咁滴入杯里
滴满后再落炼奶, 轻轻搅拌, 「事头婆」话炼奶能黏住杯底的咖啡粉而不会饮到成口渣, 不过熊妈那杯的炼奶全溶入咖啡中, 根本没有黏住咖啡粉, 咖啡粉有吃到, 味道也不是差。 滴滴咖啡味道香醇, 不觉得有酸味, 而且炼奶令到咖啡多一分圆滑、油润, 闻落香而不攻鼻, 很舒服最后, 食餐的人潮开始陆续散去, 「事头婆」开始为每枱客人送上最初所讲的「咖啡」, 其实是越南即溶三合一咖啡粉, 她说会比滴滴咖啡更好饮, 想买? 找「事头婆」吧~
张贴
