北海道食堂 (已結業)

疫情咁耐又冇得去日本，好多时心血来潮想去食鱼生刺生，都会选择食放题，贪佢一个价钱可以不停咁食，唔洗就住就住惊食得太贵😆。今晚同阿女就选择咗入沙田中心嘅*北海道食堂*。今晚选择左$268嘅极上放题，除左鱼生，寿司🍣，卷物外，仲有铁板烧、串烧、天妇罗、沙律、日式火锅等等。行到餐厅最入，就系饮品同雪糕区域，全部都系任饮任食。第一round必点刺身，三文鱼、油甘鱼油脂丰厚、带子鲜甜、八瓜鱼刺生有靱度、白玉豚第一次食，入口甘香带些小爽度、墨鱼鲜甜黏口，刺身唔算大件，但都算系厚切，入口有口感，刺身部份叫左几round，每次都保持倒水准。铁板烧 - 烧虾、带子、鱿鱼须、炒野菜。先讲烧虾，虾头同虾身仲紧紧连接住，可见非常新鲜，虾身肉质够弹，而且非常大只，满足口感；带子烧完好细粒😆，但好甜美，如果大粒啲更prefect；鱿鱼须我嘅至爱，有咬口，越𡁻越香；全部都系即叫即烧，上枱仍保持热度，唔错。串烧鸡软骨必点，有咬口；大葱烧完香到不得了。天妇罗面层炸浆唔太厚，薄薄一层包住食材，所以食完唔会觉得好溜；炸墨鱼咀同鸡软骨就一般。牛肉火锅，呢个绝对必点😆 除左有大量蔬菜，金菇，豆腐垫底外，斋睇面头个pack牛肉都