Suage北海道湯咖哩

营业中

休息中

咖喱食得多，汤家里你又食过未？呢间位于朗豪坊嘅日本过江龙小店主打北海道汤咖哩，客人可因应喜好选择辣度、主食、配料、亦可加配小食同饮品，地点方便，经过可以一试。汤底采用自家农场种植嘅蔬菜熬煮 12 小时而成，番茄、洋葱、秘制咖喱香料等，饮落香浓，咸甜味道。肉类有猪牛鸡同蔬菜，肉大块且软腍、蔬菜有齐薯仔、青椒、莲藕片、西兰花、茄子、南瓜、牛油果同舞茸，健康又好味。呢度可以选择要配拉面、乌冬或饭。拉面挂汁，乌冬Q弹滑溜，两款都各有千秋，但相对嚟讲个人更喜欢配饭，先将柠檬汁挤喺上面，淋上汤品尝，再倒入汤咖喱，唔觉唔觉就清晒。小食款式众多，炸鸡大件，外脆内嫩、鱿鱼酥咬落弹牙，份量比想像中多、饺子有五粒，外层酥脆，内里摆满，唔油腻，值得加点。