武士拉麵 (已結業)

今日去睇演唱会, 所以就去左TST 食埋野先去, 哈哈, 又唔想食得太耐, 于是就揾到间拉面店, 店子少少, 只可以坐10个位左右, 我地等左一阵就可以入去啦, 系等既其间, 店员很好, 预先帮我们落定单, 哈哈, 咁所以一坐低好快就有得食啦.我叫左个真田将军拉面(猪软骨拉面$118), 呢到好好架, 可以比你选面既粗幼度&软硬度. 2款我都选左普通(即正常), 而汤底都够厚身, 唔会过咸, 另外仲有店长推介自家制既鱼油, 我饮完头啖汤之后立即倒左几滴试下, 我怕落得太多会盖左原本个D汤既味, 饮落都几得意, 有D鱼香味. 猪软骨炆得好够淋, 好入味, 正! 配菜有木耳丝, 唐心蛋, 紫菜&粟米.而朋友就叫左个武田将军(北海道牛乳拉面$118), 面就选左粗身, 而软硬度就选左普通, 真系好有牛乳既香味, 叉烧入口即溶, 再配上2条帝皇蟹柳&牛油, 令到口感更丰富.值得一赞大厨能控制到面既软硬度, 不是求其的.