淳吟居酒屋 (已結業)

今日要同大家介紹嘅，就係依間位於柯士甸嘅隱世居酒屋，地理位置好方便，無論係柯士甸站、佐敦站、定係奧運站，行過街過嚟其實都好近，而且餐廳嘢食超級高質，感覺真係好似去咗日本咁呀🥳👅嘢食種類好多元化，基本上喺日本居酒屋食到嘅，依度都食到，我同朋友兩個食到超級飽，叫咗好多特色嘅小食同埋主菜👍🏻一開頭我哋叫咗兩杯嘢飲，你嘅居酒屋梗係要叫嘢飲啦！巨蜂乳酸梳打同埋乳酸梳打，清涼解渴😛明太子玉子燒必食推介，玉子燒好香蛋味，而且口感好嫩滑，最特別嘅就係裏面夾住左明太子，令到口感嘅層次更加昇華🤩芥末八爪魚🐙味道超級特別！八爪魚口感好彈牙，裏面加咗芥末，食落去辣辣地，好過癮😋北海道帶子配紀州南高梅子冷素面最後一個都係必食推介！裏面有好鮮甜嘅北海道帶子，上邊仲加咗金箔，而梅子冷麵味道酸酸甜甜，好有日本櫻花嘅感覺🎊😋