影片
更多
2014-11-02
1166 浏览
自问从来都唔系一个爱热闹既人，加上好怕好多人既嘈又吵耳，所以是晚万圣节之夜专登早小小放工去歌赋街揾食。可能因为节日既关系，即使已经去到七点几，成条街都只系得小猫三四只。行下行下，不知不觉已到了街尾，见店员喺外面大力推介就即管入去一试啦！呢度既装修真系落足心机，同老板倾开，原来呢度系日本北海道既franchise野黎，难怪呢度既装修风格咁独特，绝对唔似坊间果D「Hong Kong Style」既所谓日式餐厅！一打开Menu已经比佢既「Curry Soup Survival Guide」吸引左。原来呢度既主打curry系有分「Baby」、「Adult」同埋「Crazy」Bear 三种不同辣度。如果第一次黎食都系叫「Adult」揾阵。是晚因为唔太肚饿既关系，所以Curry都只系叫左Half Portion就算，希望尽量留肚去试唔同种类既Appetizer！Hokkaido Popcorn（$78）︰呢个popcorn味道非常特别，可能因为系同sweet corn一齐煮既关系，popcorn里面有少少甜甜既粟米味道，激赞！而且popcorn里面有少少curry既feel，带咸味之余又有少少甜味
呢度既装修真系落足心机，同老板倾开，原来呢度系日本北海道既franchise野黎，难怪呢度既装修风格咁独特，绝对唔似坊间果D「Hong Kong Style」既所谓日式餐厅！
一打开Menu已经比佢既「Curry Soup Survival Guide」吸引左。原来呢度既主打curry系有分「Baby」、「Adult」同埋「Crazy」Bear 三种不同辣度。如果第一次黎食都系叫「Adult」揾阵。是晚因为唔太肚饿既关系，所以Curry都只系叫左Half Portion就算，希望尽量留肚去试唔同种类既Appetizer！
Hokkaido Popcorn（$78）︰呢个popcorn味道非常特别，可能因为系同sweet corn一齐煮既关系，popcorn里面有少少甜甜既粟米味道，激赞！而且popcorn里面有少少curry既feel，带咸味之余又有少少甜味，绝对系必食之选！
Hokkaido Spinach （$78）︰因为用铁板上菜既关系镬气的确十足！捞埋上面只蛋同埋其他配菜一齐食落口一D干口既感觉都冇，真系超正！
Campfire Scallops（$108）︰Scallop非常juicy，虽然外面煎得十分香口，但火路绝对无过猛令到佢本身既海鲜鲜味冇咗，抵赞！
Crab Croquette （$138）︰专登买蟹返黎再肢解佢，然后酿返入去，重要捞埋其他海鲜，真系一D都唔简单，绝对系考师傅既功夫。睇得出餐厅喺呢方面真系做得好用心，焗既火喉亦都刚好，热辣辣、香喷喷之余又唔会过喉令到表面㶶晒咁，激赞！
Oink Oink（$96/$56 half portion）︰猪肉同大部份日本餐厅既煮法差唔多，因为煮到好淋既关系非常容易入口，不过最特别既地方系旧肉真系非常入味，点都唔似果D「肉汤」分离、求其整熟旧肉就放落D汤度俾客食既无heart餐厅！糖心蛋方面煮到啱啱好，小小糖心流出黎之余又不至于「污染」左D咖喱汤，用蛋浆同咖喱汤沟落D白饭度一齐食真系超正！
Marathon Chicken （$88/$58 half portion）︰原只鸡脾上既饭我谂除左茶餐厅之外，依家真系好少见喇！虽然只系half portion，但系如果连埋其他appetizer一齐order的话已经够食有余！咖喱汤里面除左鸡之外重有糖心蛋、萝卜等等既配料，十二度既「Adult Bear」辣度对于麻麻地受得辣既我已经差唔多极限喇！
食完已经差唔多8点几，见到餐厅由一开始只系得「几丁友」到后尾几乎全场满座咁济，睇黎节日效应真系不容忽视！另外见到隔离枱既乌冬卖相唔错，唔钟意食饭既朋友都可以考虑下！同场加映︰佢个toilet真系靓到乜咁，洁净程度绝对拍得住五星级酒店既水平，超赞！！
张贴
