夏雪 (已結業)

第一日开张同朋友就去左试。住左西环好多年，好难得有一间咁潮既甜品舖头。入到去环境好似酒吧feel，menu都写系块黑板上面。我地点左北海道软雪糕，Japanese Style Ice Cream同Banana Chocolate Waffle. 北海道雪糕值得推介，$16，价钱唔贵，但系口感好好！Japanese Style Ice Cream 系软雪糕再加几种配料，如橘子，红豆和白玉等。软雪糕系焦点，几款配料既配搭有新鲜感，唔觉斋。Banana Chocolate Waffle，凡所有waffle都要等15～20分钟，呢碟甜品有惊喜。之前食过唔少，但都系普通摆碟。但呢碟甜品上台系眼前一亮。首先系主角waffle配有一球朱古力雪糕，碟侧有香蕉片摆碟，一边系香蕉片配cream，另一边系焦糖香蕉，味道和焦糖份量适当唔错，因为之前系其他舖头试过啲焦糖香蕉太甜，而且会硬左。老板/合伙人啲态度好好，可能第一日开张，问下我地既意见等等。睇得出老板好有heart！呢间铺头会再去试其他甜品，好似主打推介既Affogato, 将1shot既咖啡加落软雪糕度。