北海道食堂 (已結業)

怀念日本的味道 ，所以就去咗沙田北海道食堂， 食放题 。我哋拣咗极盛放题， 有百几款食物多地拣。我哋点左温泉蛋沙律和三文鱼沙律做前菜， 温泉蛋入口即溶， 佢嘅蛋汁同沙律菜融合，好好味。鸡软骨同烧鸡翼， 鸡软骨好香脆 ，好有口感， 鸡翼烧得好甘黄香脆。刺身都好新鲜 ，又好丰富 ，有三文鱼刺身 ，甜虾刺身，鲍片刺身， 吞拿鱼刺身， 北极贝刺身， 食得出全部用料新鲜。我哋最钟意食仔炸广岛蚝，外脆内软，我哋都叫咗好多只。烧鹅肝，鹅肝好香脆， 一啲都唔骚。鳗鱼寿司，香芒鹅肝寿司， 味道都好好， 好有日本地道寿司嘅风味。我同妈妈一人一只烧大虾， 大虾香脆可口 ，啖啖肉 啖啖汁。 炸墨鱼咀都好好食 ,香脆可口。我地都叫左豚肉火锅，用料丰富， 新鲜。