坂奈 (已結業)

星期四早收工，就约个朋友去CWB食日本野，好难得我fd系中意食鱼既(有好多fd都怕腥or怕骨)😶，就决定试下喱间，上网话烤鱼出名。里面系长型bar枱咁，大概坐到十个人，好彩早黎唔洗等位。新鲜既鱼微微洒啲盐去烤，啲甜味就会自然出来。原条kinki，听讲喱只鱼产量少所以特别贵，加上佢产于北海道，系香港可以食到真系好happy。虽然系bb，但啲肉又多又肥美，一夹起啲肉就见到油脂含量好高，再沾落啲有白萝卜泥既鼓油，易入口又鲜甜。之前系日本居酒屋都会点萤光鱿鱼🦑好中意一咬啲汁bi出黎果下，有啲爽脆感，每条都腌过所以都几咸下，配埋白饭岩晒。北海道花鱼一夜干，外皮焦香，肉质结实啖啖肉唔怕会食到鱼刺，咸味油质都岩岩好。好推介鸡泡鱼干片片都好厚身，味道咸咸的，所以沾啲沙律酱食balance翻。表面沾满了芝麻，上枱时热辣辣，啲皮好酥脆，唔会话炸到皮肉分离，咸度适中。