東海堂 Bake•Drink (馬鞍山廣場)

营业中

休息中

成日行过呢间东海堂，都会有啲新鲜嘅蛋白挞出炉，今日又系啱啱见到佢出啦，即刻急不及待买一个蛋白挞试吓先。系蛋白挞隔离，仲见到一个北海道3.6牛乳芝士汉堡，从来都未食过呢一个芝士汉堡，决定买多一过嚟试吓。而呢一间东海堂，系仲有饮品买嘅，结果睇吓睇吓，再买一杯宇治抹茶3.6牛乳配红豆试吓先。先讲讲个蛋白挞，据闻系用3.6牛乳沟埋蛋白整个蛋浆的，有好香浓嘅蛋味，而个饼底亦都系好松脆。跟住食个芝士汉堡，其实成个系一个冻嘅面包，个样胀卜卜几得意，但个包其实味道偏谭，系食到中间𠮶Pat 芝士，有啲咸咸地，芝士系好食嘅，亦都系成个包嘅灵魂。最后杯嘢饮，红豆系好溶好沙嘅，唔会一粒粒好硬，配合埋绿茶嘅淡淡幽香，唔太甜，恰到好处。