達摩元祖麵屋 (已結業)

因为约左男友系尖沙咀睇戏，所以就系附近揾下地方医医肚。一路行见到呢间用大大个达摩做装饰GE拉面店就入左去啦。店内空间算几大，座位都几宽阔。每款汤底拉面都配上不同名称嘅达摩。面质有幼面同粗曲面可拣。叉烧一共分为4种可选其1 ，分别系平时食拉面都有GE豚腩叉烧、豚肩叉烧、猪软骨同豚角煮。,而葱、荀同蒜蓉就可自行选择要同唔要啦!餐单上有不少追加配料可以拣。另外店内黑板都有不少精选推介!!!而我就拣左呢款白河达摩 – 北海道3.6牛乳汤拉面概然有北海道3.6牛乳，汤底故然比较奶白色。汤底味道唔会太咸，饮落有少少牛奶甜味。平时食开拉面店都会选叉烧，但今次就拣左猪软骨，软骨煮得够淋身几易入口。每碗都有半只流心蛋及紫菜。男友就拣左 高崎达摩 - 豚骨汤拉面豚骨拉面系平时曼最常食到GE汤底，亦差不多系拉面店必备。豚骨汤底同样只系比牛乳汤底深色少少，比出面食到GE比较清，所以唔会浓到太咸。汤底饮落唔会渴口而且都有浓烈猪骨味。呢款配上豚腩叉烧，叉烧半肥半瘦，食落都唔算油腻。2碗都拣左粗曲面质，食落爽口弹牙，同汤底又几夹，效果不错。元祖达摩梳打梳打虽然写有柠檬味，但饮落几似波子汽水，加上包装又附合到主题!!