東寶小館 (已搬遷) 新店位置

星期五晚约fd食饭拣咗就脚嘅东宝小馆，预早咗一个礼拜打电话去book枱，好好彩顺利book到几年前嚟帮衬过，净系记得食过避风塘炒蟹几好味，其他就无乜印象。一坐低未点菜首先嗌啤酒饮先。风沙鸡系招牌菜，所以叫咗半只试下。鸡皮上色均匀，皮下脂肪唔多食落薄而脆鸡肉嫩滑有鸡味，用上新鲜鸡果然系好味啲粉丝虾煲以超大嘅煲上枱，估唔到个煲咁大望到有咁多芫茜几开心侍应呀姐捞粉丝之前问我哋使唔使相机食先，等我哋影完先捞个粉丝。大虾有饭碗咁大只，虾肉结实弹牙。粉丝有镬气得嚟唔油腻，而且用上大量葱蒜起镬，非常惹味嚟大排档又点少得椒盐鲜鱿！炸到金黄色嘅鲜鱿卖相好靓鲜鱿表面薄薄嘅炸浆口感酥脆，椒盐调味适中送啤酒一流虾酱通菜好有镬气，虾酱味香浓，通菜幼嫩完全无渣。见到特别推介有炸榴梿，所以都叫咗份试下。一份有十粒都几多。原来系用云吞片包住榴梿蓉拎去炸热辣辣嘅榴梿馅好好味，但个皮食落系腍，可能因为榴梿蓉浸湿个皮整体嚟讲食物有水准，以大排档嚟讲价钱偏贵，但胜在食材新鲜。缺点系坐得好迫唔舒服，四个人先得一张细圆枱，嗌多两个𩠌都摆唔晒，但食得大排档都预咗。