影片
更多
2024-05-05
63 浏览
Bookmark咗间Café都有一段时间，都知道间Café好多人排队，特别仲要系深水埗𠮶啲位置，所以一直唔够胆试。见到最近佢哋喺北角开咗一间新嘅分店，谂住搏下新开冇乜人，但结果我发现其实好快都满座，好彩我早咗啲入嚟，如果唔系就冇位坐了。Café装修系我好钟意嘅工业水泥风格，搭配埋木系枱凳，成个环境感觉都几和谐舒服。虽然上菜系有啲啲慢，但Café就系咁chill。而作为一间Pet friendly嘅Café，等待期间望住啲狗狗都不失为一个乐趣。今次因为太肚饿所以主要都系试吓啲嘢饮同埋主食，下次嚟应该要试吓啲蛋糕。‣ Gee Gee Gat Gat $68我见到个名觉得好得意好想嗌，想睇吓系咩嚟。到佢上枱个刻望住呢杯红卜卜嘅嘢，我先问个店员其实系咩嚟。咖啡底嘅糖浆系洛神花、话梅加山楂，记住一定要搅匀佢先饮。我好钟意𠮶种酸甜感，唔单止中和到咖啡𠮶浸苦味，仲提升到咖啡嘅香。我朋友问我个肉桂棒系咪拎嚟代替纸饮管，我话应该纯粹攞嚟搅拌用，不过摆玉桂棒喺入边摆得耐咗，杯咖啡都有啲肉桂嘅香味渗咗出嚟，觉得饮完系真系开胃咗。‣ Hojicha Latte $45一上枱见到个拉花就「哗」咗出声，好耐冇见过
Gee Gee Gat Gat
$68
22 浏览
0 赞好
0 留言
‣ Gee Gee Gat Gat $68
我见到个名觉得好得意好想嗌，想睇吓系咩嚟。到佢上枱个刻望住呢杯红卜卜嘅嘢，我先问个店员其实系咩嚟。咖啡底嘅糖浆系洛神花、话梅加山楂，记住一定要搅匀佢先饮。我好钟意𠮶种酸甜感，唔单止中和到咖啡𠮶浸苦味，仲提升到咖啡嘅香。我朋友问我个肉桂棒系咪拎嚟代替纸饮管，我话应该纯粹攞嚟搅拌用，不过摆玉桂棒喺入边摆得耐咗，杯咖啡都有啲肉桂嘅香味渗咗出嚟，觉得饮完系真系开胃咗。
Hojicha Latte
$45
5 浏览
0 赞好
0 留言
‣ Hojicha Latte $45
一上枱见到个拉花就「哗」咗出声，好耐冇见过啲咁有诚意嘅拉花，平时收到心心我已经好开心，今次见到独角兽真系可以赐我全日好心情，好彩有嗌到热饮。第一啖已经饮到焙茶嘅香，糖嘅比例拿捏得啱啱好，对我呢个饮惯无糖嘅人嚟讲都唔觉得太甜，不过个人偏好gee gee gat gat，真系够特别。
蟹肉烟肉三重芝士治
$98
6 浏览
0 赞好
0 留言
‣ 蟹肉烟肉三重芝士治 $98
虽然话就话系三重芝士治，但系我觉得蟹肉嘅味道系最出嘅，食落口真系啖啖蟹肉，超级爽。一开始三文治嘅边都系脆卜卜嘅，配埋啲蟹肉真系劲爽。虽然佢唔系平时𠮶啲会拉丝𠮶啲芝士，但系佢嘅芝士味都算几浓。虽然望落觉得唔大份，但系食食吓觉得都几饱，毕竟佢都系三重芝士，所以都会增加个饱腹感。啱啱上枱嘅时候记住一定要即刻食，耐咗就真系冇咁好食㗎啦。
全素意粉
$108
8 浏览
0 赞好
0 留言
‣ 全素意粉 $108
呢个系北角限定，虽然自己好少食斋，但见到就觉得要嗌嚟试吓。佢嘅意粉好出色，豆乳加面豉味道相当夹，而牛蒡嘅角色就系将意粉口感提升。而佢嘅腐竹球调味做得好唔错，咬落去食到腐竹嘅层次感，有刻都真系有种好似唔系食紧斋嘅感觉。Menu写明可以走五辛，不过我本人真系好钟意意粉入面嘅洋葱同蒜香，所以冇特别走，但呢点真系好vegan friendly。
张贴
