小巷弄

营业中

休息中

呢排夜晚冇堂食，相信大家都好需要外卖美食。今日我就同大家介绍一间位于北角嘅高质台湾野食啦。 呢间叫小巷弄嘅餐厅位于北角汇，距离北角地铁站超近，行过去3分钟都唔洗，好方便架。 咁早几日我就试咗好多款美食嘅，我最钟意嘅就系佢嘅小巷弄红烧牛肉拼卤肉干拌面。佢嘅红烧牛肉系经典台式风味，香港黎讲都唔容易揾到架～ 仲有第二款主食系秘制酱油猪软骨拼麻辣酱干拌面，咁我以为台式嘅辣应该唔会太劲，不过佢真系几辣下，辣得黎又好香，钟意食辣嘅朋友应该会好钟意。 小食我地就拣咗两款😍盐酥大鸡排炸得啱啱好，面头仲有啲海苔碎，好出色；而起司蛋手抓卷饼就更加得我欢心，因为佢外表酥脆，内里软绵绵，食落口感非常之丰富。 野食我地就order咗轻芝士岩盐奶盖抹茶再加珍珠嘅，奶盖creamy抹茶茶香重，再加上珍珠都好有咬口，真系好满足嘅一餐呀😋