鐵花村 (愛群商業中心)

营业中

休息中

呢晚友人带咗我嚟北角呢间台湾小店 餐厅名系以台东嘅一个地方 铁花村命名 主打食原味健康嘅台式料理🥰铁花卤肉饭卤肉饭系食台式餐厅必点嘅菜式 卤肉肥瘦适中🐷 有肉嘅香味 但绝对唔会系成口肥膏 白饭沟咗红藜麦 多多一份健康嘅感觉 最钟意系佢仲有肉松喺面 有更多口感😛番茄红烧牛肉面牛肉面用咗台湾直送嘅刀削面🍜 面质弹牙 汤底用上新鲜蔬菜熬成 冇加味精 饮落好鲜甜 牛肉都煮得好入味🐮 南瓜起司蛋饼系个比较特别 第一次食南瓜做馅嘅蛋饼🥞 外层都几干身 入面嘅南瓜味道偏甜 加上多到泻出嚟嘅芝士 味道几特别🎃台东咸猪肉呢个系店舖新推出嘅菜式 呢个咸猪肉用上五层肉去处理☺️ 外层嘅味道有少少似盐酥鸡嘅咸味 呢个制作方法仲保留到好多猪肉嘅肉汁🐷 餐厅仲附上一个用上鲜蒜蓉同埋白醋制成嘅酱汁 点埋一齐食更加有风味同埋可以解腻 饮品芝士奶盖乌龙 奶盖几细滑 配埋乌龙茶底香淳就唔会好腻啦🍵 凤梨乳酸酸酸甜甜咁几开胃🍍呢间餐厅嘅口味有台湾特色得嚟 食材都几健康新鲜 估唔到北角有间高质嘅台湾小店😉