車仔麵之家 (已結業)

一讲到我嘅中学生涯，最有回忆嘅就系车仔面，lunch time 企面档点𩠌，自由选择自己喜欢的味道，最重要是平，可以储钱买玩具。以前嘅车仔面真系小贩推车，而家车仔面大部份都已经入晒舖，大家都可以坐得舒服啲，有冷气又卫生啲，不时回味这种香港味道。中午繁忙时间，门外有长长的人龙，先在门口购票然后找座位再自取。车仔面配料有20多款，当中的炸猪扒、酸斋和咖喱鱿鱼都是热门之选。 真系急不及待要开餐，一口食到腩汁菜芯，菜芯爽加上腩汁浓味，正呀！我觉得碗面的灵魂就在面头的秘制辣酱身上，小小份量入口香浓，辣度慢慢上升，香辣的口感仍然留在口腔内，回味无穷。牛腩亦是必食之选，入味又好够腍。足料香浓的汤底，食过返寻味！ 生炒咖喱鱿鱼唔会腥，口感烟烟靱靱。酸斋入味，油面再加上浓浓既汤底，更加系超好吃的。另上的香茅炸猪扒，真材实料又炸得香脆，我觉得系必食之选。鱿鱼质素不俗，还有车仔面少见的酸斋，其辣汁是车仔面的精华，所以再叫多杯清凉饮品，豆浆同埋菠萝荔枝梳打都好饮㖞！有回忆又有人情味的车仔面，下次再见。