現 (已結業)

夜晚系北角做完野，同朋友唔想食茶记，系地铁站附近行下行下，见到后街竟然有间装修简约嘅白色文青小店，就打算入去试下。入去先知原来就快Last order（入舖过左八点，当日系收九点），所以部份食物例如汉堡、French Toast就无提供。呢间要比钱先，叫朋友帮手点菜，原本想食牛油果意粉，上菜先发现朋友点错左做蘑菇意粉。首先系Assorted Mushroom Linguine（$74），好正常嘅香草蘑菇扁意粉，无汁干身𠮶种，调味唔错，黑胡椒比较多。放系云石碟上几靓，系份量略少左啲，可能我太肚饿啦。Sesame Latte（热，+$20）都还好，系饮到最后有好多芝麻渣。New York Cheesecake（$56）就系朋友额外点嘅，我无食到，不过佢就话味道唔错。虽然食物唔算有惊喜，但地点方便得黎又算宁静舒适，只要唔系好似我地咁迟去，想慢慢坐嘅都可以一试。