Wooden House (已結業)

朋友来北角呢间意大利餐厅食晚饭，因为唔算好肚饿，所以我地净系叫左两个main course同甜品。呢间餐厅布置好简约，睇Menu介绍话呢道食材系选用天然同有机材料煮制！Chocoalte Flurry有好大球朱古力雪糕里面，雪糕系苦甜嘅味道，所以并唔腻，溶左之后会同里面嘅奶昔混合一齐，口感好软滑，好好饮！Salmone alla griglia有别于一般餐厅嘅三文鱼，呢度系用一块纸包住鱼同汁来煮。挪威三文鱼肉又滑又软，而且无咩腥味，个汁混左刁草、薯仔、酸忌廉，唔系太浓味，所以可以尝到三文鱼嘅鲜味。Griglia 呢个法国黄油烧春鸡皮脆肉嫩，鸡肉真系好嫩滑，皮下脂肪亦都唔多，配埋香草、青豆同牛肝菌嘅汁，味道几好！甜品我地就简左雪糕，呢度间餐厅嘅雪糕系意大利Gelato雪糕，而且每日新鲜制作。呢个莓果味嘅意大利雪糕够冻够硬身，酸酸甜甜，食饱饭后食d酸味嘅野做甜品就最适合。试左少少朋友点嘅云呢拿雪糕配朱古力窝夫。云呢拿雪糕奶香味浓郁，朱古力窝夫烤得香脆适中，朱古力味好浓，唔会系烤㶶左嘅味！