高興+ (已結業)

边个话北角净系得啲旧楼同老饼茶餐厅？🤔今日同朋友撘地铁去北角，一出地铁冇内就俾呢间餐厅出面的霓虹灯吸引，好colourful❤️🧡💛💚💙💜即刻个心情都同个店名一样•高兴+• 同朋友都不约而同想入去试下系咪食完都可以keep 住靓靓心情。餐厅空间感好大，装潢怀旧得来又不会觉得老积。枱与枱之间十分阔落，坐得好舒服。黑松露酱粗薯条 $47我真系一个薯条控嚟㗎🤣差唔多次次出街食野都会叫个薯条嚟食🙈呢个薯条炸得好脆，点埋个黑松露酱认真邪恶😈橙香蟹肉沙律 $76蟹肉份量都几多，蔬菜非常新鲜，鲜橙十分之香甜，配上微酸的沙律汁，配合得岩岩好👍🏻重点系食物嘅摆设非常有美感，可以睇到制作者好有心机。高兴鸡中翼配牛油果酱忌廉酱 $48呢个我就觉得麻麻地好食，鸡翼味道偏咸而且同牛油果酱忌廉酱一齐食唔系好夹。叶香烤焗比目鱼 $146肉质尚算嫩滑，入口带有淡淡的香草味。比目鱼会跟配一个酱汁，但个人认为唔点酱好似更加突出鱼嘅鲜味。总体感觉不错但呢个鱼嘅性价比唔高，因为个价钱始终有啲少贵。餐厅环境十分适合同朋友打卡或闲聊😛。