強記飯店 (已結業)

今日做一日乖孙，落咗北角探我嫲嫲，探之前先同咗老豆喺北角食返个早餐先。老豆带咗我去食佢一直食开嘅茶餐厅：强记饭店。成间店大到呢…真系唔觉佢系一间普通茶餐厅…听老豆讲系开业咗好耐，佢年轻时已经有了。原来历史悠久呀！叫嘢食先，我叫咗个沙嗲牛生菜通粉，热华田。通粉唔系果种快熟粉，所以煮仍然比较硬身，冇快熟果种咁软熟。老豆唔肚饿，就随便叫咗个奶酱多嚟食，不过块多士都真系烤得几好，热热哋外皮脆脆哋唔错，内馅应该系炼奶同花生酱。