麵屋武蔵 虎洞 (北角匯二期)

营业中

休息中

忙在一个星期 lunch 食住面包做野，终于星期五早啲出黎食个靓靓午餐沾面慰劳下自己，朋友一早就到左，即刻有得入。赤.虎尾沾面，原来条长长既黑椒肠就系虎尾，好搞笑，要左半份面份量超多，面条粗身有弹性。鱼介猪骨沾汁浓郁杰身，好到挂面，入都仲有啲猪肉粒，如果有葱丝一定更香口。好所赏个溏心蛋，甜甜地蛋味浓，蛋黄黏口。猪腩肉超入味，软硬适中。朋友点左蕃茄烧豚角拉面，面条较幼身，汤底清新酸酸地既蕃茄味，几正。另外点左两款小食，芝麻酱菠菜做前菜，又可以清一清沾面既浓味。烧猪腩肉串好惹味，朋友唔食葱益晒我～夹住葱食油腻感大减，一口接一口。饮埋杯柠檬可尔必思平衡番口腔既味道，有呢个热饮真系岩晒女士。提子可尔必思soda都好好饮，呢餐好满足丫。