INSANE (已結業)

北角暗藏细街既泥水风格 Coffee Shop，小巧玲珑，内里有好多猫猫摆设，睇得出店主系爱猫之人，一个Barista打理哂成间店，简简单单，餐单都系简简单单以窝夫、牛角包、三文治、Bagel为主打，轻松便食。佢地既选用左Nutty既咖啡豆，试左肉桂味Latte，好特别，饮完一啖，咖啡滑入喉咙之际就会搭到啖啖肉桂香味，听Barista讲佢地转用炼奶去冲呢杯咖啡，可以中和肉桂既苦味。拣咗个咸牛肉窝夫做午餐，$141 per set，包一杯$40以下嘅饮品，配搭非常得意，但味道几夹。窝夫即时用机烘，好硬身脆口，微甜既窝夫，夹住咸香既牛肉，两件夹埋都好饱肚。