炯記餐室 (美麗閣)

营业中

休息中

今日想食烧味饭系北角揾到炯记烧味， 见吊住好多烧鹅好吸引， 亦都吊住好多只鸡， 始终佢最出名系手撕鸡， 一定要试手撕鸡！ 我叫左烧鹅捞面， 盐焗手撕鸡肠粉， 酱王猪手饭跟例汤， 酸辣无骨凤爪。 手撕鸡好滑， 再配上芝麻， 味道仲夹d , 鸡肉肥瘦均匀， 鸡皮都滑溜溜， 好有鸡味， 配埋肠粉有真系几夹。 烧鹅捞面， 烧鹅好脆皮， 淡淡肉， 配左烧鹅酱好好食， 捞面好弹牙！ 猪手好出色， 肉非常嫩口而且似乎慢煮来， 肉炆得好淋身， 好易咬开， 火口刚刚好， 加上佢既酱王， 味道更浓！ 另外。 我叫左小食， 叫左酸辣凤爪， 凤爪是无骨的， 酸酸甜甜， 好开胃， 非常不错！